UMasipala weTheku usumemezele ukuthi ithimba lezimo eziphuthumayo nesikhungo esilawula izinhlekelele kuzobe kulungele ukumenyezwa ngemuva kokuba abakwaSouth African Weather Services (SAWS) bekhiphe isexwayiso sezimvula ezinamandla ngoLwesine nangoLwesihlanu.

Ngokwabakwa SAWS kulindeleke izimvula ezinamandla (level 6) ezingadala izikhukhula nokulimala kwengqalasizinda ezindaweni ezisogwini nesiFundazwe.

Izindawo ezithintekayo kubalwa iTheku, KwaDukuza, eMandeni, kwaMaphumulo, eMkhambathini, eNdwedwe, eRay Nkonyeni, eMndoni naseMzumbe.

Lezizimvula zilindeleke phakathi owe 00:00 ngoLwesine mhlaka 17 September kanye be 23:59 ngoLwesihlanu mhlaka 18 September

UMasipala uqinisekisa izakhamuzi ukuthi amathimba okubalwa awezenhlekelele, izicishamlilo kanye namaphoyisa kaMasipala azobe eqaphe isimo